ang kahapong minsang naging atin
akin itong lilingunin, babalikan
at akin lamang aangkinin ng panandalian
Sa pamamaraang ito, bubuhayin kong muli
anino mong pilit na ikinubli
na sa pagdaan ng mga taon
ay pilit kong itinapon
Gaya ng agos ng tubig sa batis
ang aking puso'y walang sawang maghinagpis
iyong itinatwa ating pagi-big
puso't isipa'y nalumbay, pagkat ito'y aking di ibig
Ngunit paano nga ba makakawala
sa iyong makamandag na alaala
ako'y tumakbo palayo, ninais tumakas
pero tila ako'y sadyang di makaalpas
Patuloy na nalulunod sa luhang tumutulo
lagi kong usal, "Nakaukit ka na sa aking pagkatao"
nais kong ika'y masilayan
maski pa sa buhay na walang kasiguraduhan
Ngunit kung di palaring ito'y makamit
sa kabilang buhay patuloy akong magbabakasakali
Aasang balang araw ika'y mahagkan
sasambiting, "Tangina mo, di na kita babalikan".
No comments:
Post a Comment